Google ADS

Fidanë me kanabisë dhe 330 fishekë luftarakë, pranga 59-vjeçarit në Këlcyrë

10:07 | 10 Qershor 2020
Arbresh.info

Një 59-vjeçar është arrestuar nga policia e Gjirokastrës për kultivim të kanabisit.

Policia ka vënë në pranga shtetasin F. M., pasi në pronën e tij në fshatin Mërtinjë, Këlcyrë u gjetën të kultivuar disa fidanë narkotikë.

Gjithashtu, gjatë kontrollit në banesën e këtij shtetasi u gjetën dhe u sekuestruan dhe 330 fishekë luftarakë të kalibrit 7.62 mm.

Strukturat e Policisë po përdorin dronët për monitorimin e zonave të thella e pyjore.

Gjatë kontrollit të territorit janë angazhuar 95 punonjës policie dhe tre dronë. Kontrollet janë alternuar nga ajri dhe toka.

Kontrolli i territorit do të vijojë pa ndërprerë, duke kontrolluar dhe në zonat më të largëta, falë përdorimit të flotës së dronëve dhe helikopterëve./oranews

Shpërndaje në rrjete sociale

Lajmet më të lexuara

Të ngjashme

Foto lajm